• Үүргэвч, овор ихтэй цүнх, тор Лонх, Лааз, Хүйтэн усны сав, Шингэн зүйл агуулах сав
• Хоол хүнс & Ундаа (Үүнд согтууруулах ундаа орно)
• Хууль бус бодис, бүтээгдэхүүн
• Салют болон дарь, сум
• Дүрст бичлэг хийх төхөөрөмж – Доор харна уу…
• Цахилгаан төхөөрөмжүүд
• Зэвсэглэлийн зүйлс (Халаасны хутга болон галт зэвсэг)
• Овор ихтэй гинж болон бугуйвч
• Лазер заагч болон шингэн шүршигч лааз, сав
• Чанга чимээ гаргагч төхөөрөмжүүд (бүрээ,
• шүгэл, хийт бүрээ, цан, үлээвэр төхөөрөмжүүд)
• Овор ихтэй туг, тэмдэглэгээ, саваа, наалт – Доор харна уу…
• Тэжээвэр амьтан (Үйлчилгээний амьтан) – Доор харна уу…
• Хоёр дугуйтай моторт болон механик төхөөрөмж /скүүтэр, дугуй г.м./

Амьтан 

Мөсөн Өргөөнд тэжээвэр амьтан оруулахыг хориглоно. Зөвхөн үйлчилгээний амьтан ашиглах шаардлагатай үйлчлүүлэгч амьтантай орж болно. Ямар нэгэн зохицуулалт шаардлагатай бол байгууллагатай урьдчилан холбогдоно уу. 

Гэрэл зураг, дүрс бичлэг 

Магадлан итгэмжлэгдсэн хэвлэл мэдээллийн гишүүдээс бусад тохиолдолд аудио, видео болон дижитал бичлэг хийх төхөөрөмж ашиглахыг хориглоно. 

Дараах үзүүлэлтүүдийг үндэслэн салгаж болдог линзтэй зураг авах төхөөрөмжийг зөвшөөрнө. 

• Салдаг линз нь 13 см-ээс бага урттай, 9 см-ээс бага диаметртэй байх ёстой. 
• Камерын хэмжээний өргөн/урт нь 8 см-ээс хэтрэхгүй байх. 
• Камер болон салдаг линзний нийлбэр нийт урт нь 22 см-ээс хэтрэхгүй байх. 

Өөрөг авах саваа, өргөн өнцгийн дуран, гэрэл, микрофон, цахилгаан холболт, зураг авуурын хөл, бариул, том оврын цүнх, тавиур зэрэг бусад бүх төхөөрөмжийг хориглоно. Түүнчлэн, дуу чимээ гаргаж үйл ажиллагаанд саад учруулж болох бусад төхөөрөмжийг анхааралтай хэрэглэнэ үү. 

Мөсөн Өргөөний удирдлага нь зөвшөөрөгдөх камер, дуран авианы багаж төхөөрөмжийн хэрэглээний нөхцөлийг өөрчлөх эрхтэй болно. 

Бусад арга хэмжээнд (концерт, гэр бүлийн шоу гэх мэт) зураг авианд хамаарах нөхцөлийг холбогдох хуудаснаас үзнэ үү. Зөвхөн стандарт камер (салдаг линзгүй) ашиглахыг зөвшөөрнө. Гэрэл зураг авахыг зөвшөөрөөгүй тохиолдолд зураг авах төхөөрөмжөө авто тээврийн хэрэгсэлдээ тавихад бэлэн байна уу. Тоглолт, арга хэмжээ, үзүүлэнгийн зохион байгуулагч тухайн бодлогыг өөрчлөх эрхтэй болно. 

Мөсөн Өргөө-ний барилга байгууламж дотор авсан, авхуулсан фото зураг, дүрст бичлэгийг зөвхөн арилжааны бус зорилгоор ашиглах тохиолдолд Мөсөн Өргөө-нд камертай орохыг зөвшөөрнө. Мөсөн Өргөө нь зохион байгуулагдах арга хэмжээний фото зураг, дүрст бичлэгт худалдааны тэмдэг, зохиогчийн эрх олгох давуу эрх эдэлдэггүй болно. Гэрэл зураг авахыг зөвшөөрөөгүй тохиолдолд зураг авах төхөөрөмжөө авто тээврийн хэрэгсэлдээ тавихад бэлэн байна уу. 

Цахим төхөөрөмжийн хэрэглээ 

Цахилгаан төхөөрөмжийн хэрэглээг болзолтойгоор хэрэглэхийг зөвшөөрөх бөгөөд зөвхөн хувийн хэрэгцээнд ашиглана. Концерт, тоглолтод хориглох бөгөөд болзлыг арга хэмжээ зохион байгуулагч шийднэ. 

iPad, iPod, таблет, eReader болон зөөврийн видео тоглоомын төхөөрөмж ашиглахыг дараах нөхцөлийн дагуу зөвшөөрнө. 

• Бусад үйлчлүүлэгчдэд саад болохгүй байх; 
• Бусад үйлчлүүлэгчид арга хэмжээг үзэх орчныг хязгаарлахгүй байх; 
• Бусад зочид, үйлчлүүлэгчдийн суудлын бүс рүү орох, гарах боломжийг хязгаарлахгүй байх; 
• Төхөөрөмжийг толгойн түвшнээс дээш гаргахгүй байх; 
• Арга хэмжээний авиа болон дүрст бичлэг хийхэд ашиглахгүй бөгөөд бусдын эрхийг зөрчихгүй, нууцад халдахгүй байх; 
• Утасгүй сүлжээ нь үнэгүй бөгөөд олон нийтийн байх нөхцөлд; 

Цахим төхөөрөмжийг зөвхөн хувь хүний өөрийн үзвэр, ажил хэргийн зорилгоор ашиглана. Төхөөрөмжөөс гарах дуу, дэлгэцийн гэрлийг аль болох хамгийн бага хэмжээнд байлгаж, Төрийн дуулал эгшиглэх, танхим харанхуй байх үед болон бусад шаардлагатай үед унтрааж байх. 

Цахим төхөөрөмж нэвтрүүлэх эрх, зөвшөөрөл авсан үйлчлүүлэгч нь аливаа эрсдэл болон тухайн төхөөрөмжийн улмаас үүсэж болох ослын хариуцлагыг хүлээнэ. Цахим төхөөрөмжийн хэрэглэгч/эзэмшигч нь өөрийн хэрэглэж буй төхөөрөмж/үүд нь санамсаргүй болон өөр байдлаар гэмтэж, эвдэрч болзошгүйг хүлээн зөвшөөрсөн байх. Ийн тохиолдолд Мөсөн Өргөө нь тухайн төхөөрөмжийг нөхөн олгох, засварлах болон бусад зардалд хариуцлага хүлээхгүй. 

Мөсөн Өргөөний удирдлага нь зөвшөөрөгдсөн төхөөрөмжүүдийн нөхцөл, ашиглалтын нөхцөлийг хэдийд ч өөрчлөх эрхтэй. 

Энэхүү Төхөөрөмж ашиглах болон Ашиглалтын Нөхцөлтэй Бодлогыг зөрчсөн цахим төхөөрөмж хэрэглэгч/эзэмшигчийг өөрийн байгууламжид нэвтрүүлэхгүй байх, байгууламжаас гаргах эрхтэй. 

Тэмдэглэгээ/Туг, дарцаг 

Мөсөн Өргөөнд зохион байгуулагдах сагсан бөмбөгийн тоглолтын үеэр тэмдэглэгээ, дарцаг тавихыг зөвшөөрнө. Концерт, гэр бүлийн арга хэмжээ гэх мэт бусад арга хэмжээнүүдэд ямар ч төрлийн тэмдэг/туг, дарцгийг хориглодог боловч арга хэмжээг зохион байгуулагч хүссэн тохиолдолд тус журмыг цуцалж болно. 

Зөвшөөрөгдсөн арга хэмжээнд хэрэглэгдэх тэмдэглэгээ/туг, дарцаг нь дараах удирдамжид нийцсэн тохиолдолд байгууламжид байршуулахыг зөвшөөрнө. 

Тэмдэглэгээ/туг, дарцаг нь үйлчлүүлэгчийн харах өнцөг болон бусад тэмдэглэгээ, агааржуулалтын хоолой сэлтийг хааж, халхлахгүй байх. Хэмжээ нь хамгийн томдоо Тэмдэглэгээ/туг, дарцаг нь байгууламж, талбайд оруулахад тохирсон материал болон хэмжээтэй байх бөгөөд хамгийн томдоо 0.9144 х 0.6096 метр байна. 

Тэмдэг/туг, дарцаг дээр байгаа мэдээлэл нь хувийн мэдээлэл агуулахгүй, бүдүүлэг, доромж утгатай байж болохгүй. 

Тэмдэг/туг, дарцгийг байгууламжийн хаана ч хадаж, өлгөж болохгүй. 

Зөвшөөрөхөд нийцэхгүй тэмдэг/туг, дарцаг, түүний хөл, тулгуур сэлтийг тээврийн хэрэгсэлдээ буцаан тавихад бэлэн байна уу. 

Мөн шаардлагатай гэж үзвэл Мөсөн Өргөөний удирдлага дээрх удирдамжийг урьдчилан мэдэгдэлгүйгээр цуцлах эрхтэй. 

Шүхэр

Барилга, байгууламжид шүхэр авч орохыг зөвшөөрнө. Арга хэмжээний үеэр шүхрээ суудлынхаа доогуур байршуулахыг зөвлөж байна. Шүхрийг эвхээтэй байлгана. 

Шүгэл

Тэмцээн уралдаан, аливаа арга хэмжээний үед шүгэл авч орохыг хориглоно. Шүгэл нь тэмцээний явцад тамирчдыг төөрөгдүүлэх, тоглолтын үр дүн нөлөөлөх боломжтой тул нэвтрүүлэх хориотой.

Цүнх 

• 15 х 20 см-ээс бага овортой цүнх авч орохыг зөвшөөрөх бөгөөд эдгээр нь ихэвчлэн цүнхний хяналтаар болон рентген хяналтын тоног төхөөрөмжөөр шалгуулах шаардлагагүй байж болно. 
• Тунгалаг уут, цүнх; нярайн цүнх; анагаах болон анхан тусламжийн цүнх зэргийг нэвтрүүлэхийг зөвшөөрөх боловч цүнхний хяналт, рентген хяналтын тоног төхөөрөмжөөр шалгуулах шаардлагатай. 
• Цүнх, тээш шалгах шугамд урт дараалал үүсэж болзошгүйг анхаарна уу. 

Мөсөн Өргөөний цүнх, тээшний бодлогыг арга хэмжээ зохион байгуулагч тодорхойлох бөгөөд арга хэмжээнээс хамаарч өөр өөр байж болно. Дэлгэрэнгүй мэдээллийг холбогдох арга хэмжээний хуудаснаас үзнэ үү.

• Мөсөн Өргөөнд нэвтэрч буй зочдыг холбогдох хуулийн дагуу нэгжиж болно. Тухайн үйлдлийг татгалзсан тохиолдолд нэвтрэхийг хориглох үндэслэл болно. 
• 3 нас буюу 36 сараас дээш насны бүх зочид арга хэмжээнд нэвтрэх хүчинтэй тасалбартай байх. Зарим арга хэмжээ наснаас үл хамааран хүн бүрээс тасалбар шаардаж болно. 
• Мөсөн Өргөөнөөс гараад/буцаж нэвтрэхийг хориглоно. 
• Мөсөн Өргөө нь утаат болон электрон тамхи татахыг хориглодог байгууламж бөгөөд зөвхөн гадна талбайд зөвшөөрөгдсөн цэгт ч тамхи татахыг хориглосон болно. 
• 16-аас доош насны хүүхдийг насанд хүрсэн хүний хяналтад байхыг зөвлөе. Залуу үзэгчдийн сонирхлыг татдаг тодорхой арга хэмжээ, концертын үеэр эцэг эхчүүд болон дагалдан яваа насанд хүрэгчдэд зориулсан чимээгүй өрөөгөөр хангаж болно. Дэлгэрэнгүй мэдээллийг Түгээмэл Асуулт/Хариулт хэсгээс үзнэ үү. 

Манай зочид үйлчлүүлэгчид, ажилтнууд, бусад оролцогчдын эрүүл мэнд, аюулгүй байдал бол бидний нэн тэргүүний зорилт юм. Та Зочны Аюулгүй байдал хуудсанд зочилж одоогоор хүчин төгөлдөр хэрэглэгдэж буй дүрэм, шаардлагыг харна уу. 

Мөсөн Өргөөнд дахин зочлох үед тань олон шаардлага, өөрчлөлт орсон байж болзошгүйг анхаарна уу. Хүн бүрийн аюулгүй байдлыг хангах үүднээс бид зочдоосоо манай дүрэм журмыг даган мөрдөхийг хүсэж байна. Эдгээр дүрэм журам, шаардлага нь тухай бүр өөрчлөгдсөн стандарт, нийгмийн эрүүл мэнд, засгийн газрын удирдамжуудад үндэслэн цаашид өөрчлөгдөн шинэчлэгдэж байх болно. 

• Үйлчлүүлэгч та бусдын тав тухыг алдагдуулахгүйн тулд суудлын дугаараараа сууна уу. Мөсөн Өргөө доторх суудлууд нь хүчин төгөлдөр тасалбарт л зориулагдсан болно.
• Эгнээ хоорондын зайг байнга цэвэр, цэмцгэр байлгахад анхаарна уу. Шат, шатны гишгүүр нь онцгой байдлын үед саадгүй байх ёстой. Зочдыг эгнээ хоорондын зай болон шат, гишгүүр дээр суухыг хориглоно. 
• Бие халаалт, тоглолтын үеэр болон тоглолт зогссоны дараа ч шайб мөсөн талбайгаас гарч үзэгчдийн суудлын хэсэгт орж болохыг анхаарна уу. Осол гэмтлээс сэргийлэх үүднээс сонор сэрэмжтэй байгаарай. Шайбнаас болон бусад ямар нэгэн байдлаар гэмтэл авсан тохиолдолд Анхан шатны тусламж үзүүлэх хэсэг буюу сувилагчийн өрөөнд яаралтай очих, боломжгүй тохиолдолд сувилагчийг дуудаж яаралтай тусламж авах боломжтой. Мөсөн Өргөөний ажилчид шаардлагатай тусламжийг үзүүлэх болно. Сэрэмжлүүлгийн талаар мэдээлэл авах бол Тасалбар хуудсанд хандана уу. 

Бид зочид, үйлчлүүлэгчдээ бие, зан төлөвөө зөв зохистой авч явна гэдэгт найддаг. Садар самуун, доромж үг хэллэг, дохио зангаа, хэрүүл маргаан, зодоон цохион хийх гэх мэт үйлдлийг  Мөсөн Өргөө хүлээн зөвшөөрөхгүй бөгөөд ийм тохиолдол гарсан бол байгууламжаас албадан гаргах, эсвэл буруутай этгээдийг баривчлуулах шалтгаан болно. 

Хэрэв ийм үйлдэл гарсан тохиолдолд өөрт хамгийн ойрхон байгаа тасалбар шалгагч юм уу ажилтанд нэн даруй мэдэгдэнэ үү. 

Суудал өөрчлөх 

Мөсөн Өргөөний удирдлага нь концерт, спортын тэмцээн уралдаан, аливаа арга хэмжээний онцлогоос хамаарч суудлын зохион байгуулалтыг өөрчлөн, шилжүүлэх эрхтэй. 

Босож зогсох, хөгжөөн дэмжих 

Хэвлэл мэдээллийн хэрэгслээр Мөсөн өргөөг Монголын хамгийн их хөгжөөн дэмжигчид цугладаг, чимээ шуугиан ихтэй спортын байгууламжуудын нэг гэж онцолсон байдаг. Хэдийгээр бид спорт, урлагийн шүтэн бишрэгчдээ баярлуулах дуртай ч үндсэн дүрэм журмыг баримтлах, хуулийг дагах үүрэгтэй. Зарим шүтэн бишрэгчид зогсоод хөгжөөн дэмжих дуртай байдаг бол зарим нь суугаа байдлаар дэмжихийг илүүд үздэг. Суугаа байдалтай шүтэн бишрэгчид ямар ч саадгүйгээр суудлаасаа арга хэмжээг үзэх эрхтэй. 

Манай зочдын дунд хөдөлгөөний бэрхшээлтэй олон үйлчлүүлэгчид байдаг бөгөөд тэд бусадтай адил зогсоогоороо үзэж чадахгүй. Эрхэм шүтэн бишрэгчид, фенүүдээсээ хүсэхэд өөрсдийн багаа дэмжиж байхдаа эргэн тойрныхоо хүмүүсийг ойлгож, эелдэг харьцахыг зөвлөе. 

Биет зүйл шидэх 

Аюулгүй байдлын үүднээс үзэгчдийг тоглолтын талбай руу аливаа зүйл шидэхийг хориглоно. Хэрэв тухайн үйлдэл ноцтой үр дагавар дагуулах боломжтой байсан, тийм үр дүнд хүрсэн бол тухайн үйлчлүүлэгчийг хар жагсаалтад оруулж, цаашид Мөсөн өргөөд ямар ч арга хэмжээний үед нэвтрүүлэхгүй. 

Тоглолтын талбай руу нэвтрэх 

Тоглолтын талбай, барилга байгууламжийн бусад хориотой бүсэд нэвтрэхийг хатуу хориглох бөгөөд ингэсэн этгээдийг байгууламжаас гаргах/баривчлуулахад ч хүргэж болзошгүй. 

Хүүхэд мөрөн дээрээ авч явах, үүрэх, тэврэх 

Аюулгүй байдлын үүднээс бага насны хүүхдийг мөрөн дээрээ авч явах, үүрэх, тэврэхийг хориглоно. Мөсөн өргөөний шал халтиргаатай байж болзошгүй тул үйлчлүүлэгч Та бусдын болон хувийн аюулгүй байдлаа сахина уу. 

Тамхи татахыг хориглоно

Мөсөн Өргөө нь утаат болон электрон тамхи татахыг хориглодог. Тамхийг гадна талбайд зөвхөн тодорхой цэгүүдэд л татахыг зөвшөөрдөг болно.

Сэлгүүцэх, гуйлга гуйхыг хориглоно 

Сэлгүүцэх/ мөнгө хандив гуйх/ авто тээврээр үйлчлэх болон бусад үйлчилгээний санал тавих/ бараа бүтээгдэхүүн болон ямар нэгэн үйлчилгээ сурталчлах/ зар сурталчилгааны самбар байршуулах, зар тараах/ сугалаа явуулах гэх мэт үйлдлийг Мөсөн Өргөөний дотор болон гадна хориглоно. 

Хууль бусаар нэвтрэхийг хориглоно 

Зөвхөн урилгатай зочид, хамтран ажиллагсад болон хүчин төгөлдөр тасалбартай үйлчлүүлэгчид Мөсөн Өргөөд нэвтэрч болно.

Авто машиныг буруу байрлуулах, хориглосон газарт байрлуулах

Зам, голын зам, зүлэг, хөдөлгөөнт зам дээр авто тээврийн хэрэгсэл байршуулж зогсоохыг хориглоно. Бүх зочин манай хамгаалалт аюулгүй байдал, замын хөдөлгөөн болон зогсоолын ажилчдын заавар зөвлөмжийг дагана. Зөрчил гаргагчдад орон нутгийн цагдаа торгууль ногдуулж болох бөгөөд тээврийн хэрэгсэл эзэмшигчийн өөрийнх нь зардлаар ачиж нүүлгэнэ. 

Авто машины зогсоол, зам 

Авто машины зогсоол, авто замыг аюулгүй бөгөөд хариуцлагатай ашиглахыг зөвлөж байна. Авто зогсоолын талбай болон авто зам дээр дрифт хийх, уралдах, орц, гарц, зорчих хэсгийг хааж автомашин байрлуулах, тэмдэг тэмдэглэгээ зөрчихийг хориглоно. Авто замын хэрэглээг холилдуулахгүй байх /хүнд даацын машин үйлчлүүлэгчдийн замаар зорчихгүй, зогсохгүй г.м./. 

Бөмбөг тоглох, дугуйт тэшүүрээр гулгах 

Эрсдэлтэй гэж үздэг тул Мөсөн Өргөөний гадна болон дотор талд бөмбөг тоглох, дугуйт тэшүүрээр гулгахыг хориглоно. Дугуйт тэшүүрээр гулгасан тохиолдолд тэшүүрийг тайлахыг шаардах болно. 

Тээврийн хэрэгслээр ойрхон дагах 

Авто зогсоол болон зогсоолын талбайд бусдын тээврийн хэрэгслийг ойрхон дагаж явахыг зөвшөөрнө. Нэг тээврийн хэрэгсэлд нэг зогсоол ногдоно. Мах шарагч ашиглах тохиолдолд “Ил галын журмыг” дагана. 

Ил галын журам 

Мөсөн Өргөөний эзэмшил газарт ил гал* гаргахыг хориглоно. 

*Зөвхөн авто зогсоол дээр аюулгүй байдлаа сайтар хангасан нөхцөлд хувийн мах шарагч хэрэглэхийг зөвшөөрнө. Явган хүний зам, халхавчтай болон халхавчгүй барилга байгууламжийн ойролцоо, барилга байгууламж болон үйлчлүүлэгчдийн эд хөрөнгөд хохирол учруулж болзошгүй газар мах шарагч хэрэглэхийг хориглоно. 

Бут, сөөг, ургамал гэмтээх, барилга байгууламжийн гадаад үзэмжийг алдагдуулах 

Удирдлагын зөвшөөрөлгүйгээр хэн ч эзэмшил газрын мод, бут сөөг, цэцэг, ургамал, шимт хөрс, ширгийг огтлох, таслах, нүүлгэн шилжүүлэхийг хориглоно. Байгууламжийн гадаргуу болон түүний бүтэц, дагалдах хэрэгсэл, эд хөрөнгийг гэмтээх, эвдэх, нүүлгэн шилжүүлэхийг хориглоно. 

Дрон/Нисгэгчгүй нисэх төхөөрөмж 

Зочид, үзэгчид, түрээслэгчид, сурталчлагч нар болон эд хөрөнгийн аюулгүй байдал, нууцлалыг хамгаалах үүднээс манай автомашины зогсоол, эзэмшлийн болон түрээсийн талбай дээрх агаарын орон зайд зөвшөөрөлгүйгээр дрон/UAS/UAV ашиглах, ажиллуулахыг хориглоно. 

Торгууль 

Мөсөн Өргөөний  бодлого, дүрэм журам болон бусад хууль тогтоомжийг зөрчсөн тохиолдолд барилга байгууламжаас албадан гаргах, торгох, хуулийн арга хэмжээ авч болно. Мөн зөрчил гаргагчдыг Мөсөн Өргөөний цаашдын арга хэмжээнүүдэд оролцохыг хориглож, хар жагсаалтад оруулж болзошгүй. Арга хэмжээ авхуулсан тал нь бичгээр хүсэлт, гомдол гаргаж болно.

Гал түймрээс урьдчилан сэргийлэх стандарт, дүрэм журмын дагуу арга хэмжээ бүрийн өмнө аюулгүй байдлын зарлал, мэдээллийг дуут байдлаар зарлаж мэдэгдэнэ. Мөсөн Өргөө нь болзошгүй нөхцөл байдлын үед ашиглах цахилгаан үүсгүүрээр тоноглогдсон бөгөөд цахилгаан тасарсан тохиолдолд автоматаар сэлгэн залгагддаг тохируулгатай. 

Энэ нь суудал, эгнээ бүрийг ослын гэрэлтүүлгээр хангаж, үйлчлүүлэгчдийг хамгийн ойрын Гарц руу гарах замыг гэрэлтүүлэхэд зориулагдсан болно. Бүх Гарцын тэмдэглэгээг ослын гарц гэсэн тэмдэглэгээ бүхий ногоон өнгөөр ялгаж өгснөөр хялбар таних боломжтой болгосон.